Avtorka: Lidija Budajova, molodŷ.Rusynŷ

Vece jak visemsto rusyňskŷch spivanok najdete u vŷnovlenij mobilnij aplikaciji molodŷ.Rusynŷ, kotru sobi možete zadar’mo sťahnuty do mobilnoho telefonu čerez aplikaciju Google play.

Mobilnu aplikaciju pro operačnu sistemu Android zrobyv Petpo Jarinčik, rodom zo Šambrona, v ramkach dijateľstva občaňskoho združiňa molodŷ.Rusynŷ, kotroho je Jarinčik i predsedom.

Spyvnyk ochopľuje vece jak tis’ač spyvanok i koľadok, nelem v rusyňskŷm jazŷku. Spyvankŷ s’a davuť lehko najti podľa nazvŷ abo podľa tipu. Aplikacija je obšov, modernov, lehko chosnovateľnov i vse dostupnov zbirkov rusyňskŷch spivanok „v kešeňi“. Takŷm sposobom chočeme osloviti holovno molodŷch ľudej, ale i šŷroku verejnosť, kotra može spivnyk ocinyť na riznŷch podijach.

V aplikaciji najdete i informaciji o združiňu, rusyňskŷj alfavit i korotkŷ opovidaňa na každŷj deň od znamoho pysateľa Josifa Kudzeja. Dalšov interesnov sekcijov suť tipŷ na čitaňa, kotrŷ pryhotovľuje avtorka staťi Lidija Budajova. Vďaka apci s’a diznate i o prypravľovanŷch podijach občaňskoho združiňa molodŷ.Rusynŷ.

Prostŷj i praktičnŷj slovnyk v aplikaciji aktivno chosnujuť pysateli, perekladateli i novynari, kotrŷ pyšuť v rusyňskim jazŷku. I Kancelarija prezidenta Slovackoj republikŷ pozitivno reagovala na použŷvaňa aplikaciji, kotra pomahať šŷryty i rozvyvati rusyňsku kulturu.

Samosobov rozumyť s’a, že prihotovľujeme i dalšŷ funkcionalnosty, kotrŷ budeme do aplikaciji postupno dopovňati. Ciľom je zabezpečiti i oflajn dostupnosť praktičnŷch funkcionalnostej, ku kotrŷm odnosyť s’a bizovno i spivnyk.

Веце як вісемсто русиньскых співанок найдете у выновленій мобілній аплікації molodŷ.Rusynŷ, котру сoбі можете задарьмо стягнути до мобілного телефону через аплікацію Google play. Мобілну аплікацію про операчну сістему Андроід зробив Петpo Ярінчік, родом зо Шамброна, в рамках діятeльства обчаньского здружіня молоды.Русины, котрого є Ярінчік і председом.

Спивник охоплює веце як тісяч спиванок і колядок, нелем в русиньскым языку. Спиванкы ся давуть легко найті подля назвы або подля тіпу. Аплікація є oбшов, модернов, легко хосновательнов і все доступнов збірков русиньскых співанок „в кешенї“. Такым способом хочеме ословіті головно молодых людей, але і шыроку верейность, котра може співник оцінить на різных подіях.

В аплікації найдете і інформації о здружіню, русиньскый алфавіт і короткы оповіданя на каждый день од знамого писателя Йосіфа Кудзея. Далшов інтереснов секційов суть тіпы на чітаня, котры приготовлює авторка статї Лідія Будайoва. Вдяка апці ся дізнате і о приправльованых подіях обчаньского здружіня молоды.Русины. Простый і практічный словник в аплікації актівно хоснують писателі, перекладателі і новинарі, котры пишуть в русиньскім языку. I Канцеларія презідента Словацкой републікы позітівно реаґовала на поужываня аплікації, котра помагать шырити і розвиваті русиньску културу.

Самособов розумить ся, же пріготовлюєме і далшы функціоналности, котры будеме до аплікації поступно доповняті. Цільoм є забезпечіті і офлайн доступность практічных функціоналностей, ку котрым односить ся бізовно і співник.